नेकपाले दुई महिना श्रम शिविर चलाउने

काठमाडौं । नेपाली कम्युनिस्ट पार्टी (नेकपा) ले दुई महिना श्रम शिविर सञ्चालन गर्ने भएको छ।

पार्टी मुख्यालय पेरिसडाँडामा आइतबार बसेको केन्द्रीय संयोजन समिति बैठकले असार र साउन दुई महिना श्रम शिविर सञ्चालन गर्नुका साथै सदस्यता नवीकरण र विस्तार गर्ने गर्ने निर्णय गरेको हो।

जेठ मसान्तसम्ममा सङ्घ, प्रदेश, पालिका, वडा र जनसङ्गठनको संगठनात्मक समायोजनको काम सम्पन्न गर्ने, असार र साउनसम्म श्रम शिविर सञ्चालन, सदस्यता नवीकरण र विस्तार गर्ने, भदौ १५ सम्म वडा अधिवेशन गरिसक्ने कार्यतालिका बनाएको छ।

भदौ १६ देखि मसान्तसम्म पालिका अधिवेशन, असोज मसान्तसम्म जिल्ला कात्तिक १५ प्रदेश अधिवेशन र मंसिर ११ देखि १५ सम्म महाधिवेशन गर्ने निर्णय गरेको छ।