सुकुमवासी बस्तीमा फेरी चल्यो डोजर

काठमाडौं : सरकारले आइतबार बिहानै भक्तपुरको मनोहरा खोला किनारस्थित सुकुमवासी बस्तीमा डोजर चलाएको छ ।

काठमाडौं महानगरपालिकाको डोजरसहितको टोलीले घरटहरा भत्काउन सुरु गरेको हो ।

शनिबार साँझनै भत्काउन थालेको बस्ती स्थानीयको अवरोधका कारण रोकिएका थियो । हिजो २२ सुरक्षाकर्मी घाइतेसमेत भएका थिए । आज थप सुरक्षा सतर्कतासहित घरटहराहरु भत्काउन थालिएको हो । उपत्यकाका ३ वटै जिल्लाका प्रहरीलाई यस क्षेत्रमा परिचालन गरिएको छ ।

यस बस्तीमा ७ सय ७७ घरटहरा छन् । यसअघि शनिबार साँझ पनि यहाँ सात वटा ठूला पक्की घर भत्काइएका थिए ।

सरकारले शनिबार थापाथली, गैरीगाउँ र शान्तिनगरका नदी किनारका बनाइएका संरचना भत्काएको थियो ।