बालेन सरकारविरुद्ध सुकुमबासी आन्दोलनमा उत्रिने

काठमाडौं । सुकुमबासीहरु बालेन सरकारविरुद्ध आन्दोलनमा उत्रिने भएका छन् । अखिल नेपाल सुकुमबासी संघको नेतृत्वमा उनीहरु आन्दोलनमा उत्रिने तयारीमा छन् ।

संघले आन्दोलनका कार्यक्रम सार्वजनिक गर्न बिहीबार राजधानीमा पत्रकार सम्मेलन आयोजना गरेको छ ।

संघका अध्यक्ष अमर परियारले सरकारले नागरिकको संवैधानिक हकहरूको उल्लंघनसहित राज्य आतङ्क फैलाउँदै देशभरका लाखौँ भूमिहीन दलित, सुकुमबासी र अव्यवस्थित बसोबासीहरूमा डोजर चलाई अमानवीय तरिकाले उठिबास लगाउने कार्य गरेकाले त्यसविरुद्ध चरणबद्ध आन्दोलन घोषणा गर्न लागिएको बताए ।

प्रधानमन्त्री बालेन्द्र साह ९बालेन० को निर्देशनमा सुरक्षाकर्मीले हालै मात्र काठमाडौं उपत्यकाका थापाथली, सिनामंगल,गैरीगाउँ,मनोहरासहितका नदी किनारमा रहेका सुकुमबासी बस्तीमा डोजर चलाएका थिए