काठमाडौं । नुवाकोटको काकनी क्षेत्र यतिबेला स्ट्रबेरीले राताम्य देखिएको छ ।
हरियाली पहाडका गराहरूमा लटरम्म फलेका राता स्ट्रबेरीहरूले कृषकहरूको दैनिकी फेरिनुको साथै जिल्लाको पर्यटनमा समेत नयाँ आयाम थपेका छन् ।
पछिल्लो समय ककनीमा केवल स्ट्रबेरी किन्ने मात्र होइन, खेतमै गएर आफ्नै हातले ताजा फल टिप्ने चलन पनि ह्वात्तै बढेको छ ।
काठमाडौंबाट पुग्ने युवायुवतीदेखि परिवारहरू समेत खेतका गराहरूमा पुगेर ताजा स्ट्रबेरी टिप्ने र तस्बिर खिच्ने काममा रमाउने गरेका छन् ।
यो ‘यु–पिक’ अर्थात् आफैँ टिप्ने अवधारणाले यहाँको कृषि र पर्यटनलाई एकसाथ डोर्याइरहेको छ । बारीबाट भर्खरै टिपेर टोकरीमा भरिएका स्ट्रबेरीहरू उत्तिकै ताजा र आकर्षक देखिन्छन् ।
किसानले मेहनतका साथ उत्पादन गरेका स्ट्रबेरीहरूलाई तोलमेल गरेर प्याकेजिङ गरी ग्राहकको हातमा पु¥याउने प्रक्रियाले स्थानीय उत्पादनको बजारीकरणलाई सरल बनाएको छ ।
स्थानीय महिला तथा युवाहरूले घरायसी कामको साथसाथै स्ट्रबेरी खेतीलाई आम्दानीको राम्रो स्रोत बनाएका छन् ।
खेतमा काम गरिरहेका दृश्य र स्ट्रबेरीको बिक्रीबाट मिल्ने खुशीले यो खेती स्थानीय जीवनस्तर उकास्ने ठूलो माध्यम बनेको देखाउँछ । यहाँको हावापानी स्ट्रबेरीका लागि निकै अनुकूल मानिन्छ, जसले गर्दा यहाँ उत्पादित फल स्वादमा उत्कृष्ट हुन्छ ।
ककनी अब केबल चिसो र दृश्यका लागि मात्र होइन, ‘स्ट्रबेरीको स्वाद’ लिन आउनेहरूको रोजाइको गन्तव्य बन्दै छ ।
यदि तपाईं ताजा हावामा रमाउँदै आफ्नै हातले टिपेको स्ट्रबेरीको स्वाद लिन चाहनुहुन्छ भने, ककनीको यो पाखा तपाईंको लागि उत्तम गन्तव्य हुनसक्छ ।
बरु बाढीबाट बच्न सकियो तर सरकारबाट बच्न सकिएन ! 
नेकपाको एकता महाधिवेशनको कार्यतालिका सार्वजनिक 
बगर खेतीले फेरिएको मुक्त कमैयाको जीवन 
धोबीखोलामा डोजर चलेपछि अदालतको ‘आदेश र लालपुर्जा’ देखाउँदै स्थानीयको प्रतिवाद 
सिमान्तकृत समुदायको पीडा चित्रमा 
खानेपानी उपभोक्ता समितिका लागि तीन दिने क्षमता विकास तालिम 
मनोहरा सुकुमवासी बस्ती भत्काउन १९ सय सुरक्षाकर्मी परिचालन 
सुकुम्बासीलाई कहाँ-कहाँ राखिँदैछ ? 
सुकुमवासी बस्तीमा फेरी चल्यो डोजर 
सुकुमवासीको पाँच ठाउँमा बास 
