‘प्रचण्ड’ ऐतिहासिक महत गाउँमा

रुकुम : नेपाली कम्युनिस्ट पार्टीका संयोजक प्रचण्ड जनयुद्धका क्रममा राज्य पक्षबाट मारिएका ५८ जनाको स्मृतिमा निर्माण गरिएको रुकुमको ऐतिहासिक महत गाउँ पुगेका छन्।

आज ३१ औं महान जनयुद्ध दिवसकाे अवसरमा जनयुद्धकालीन घटनासँग जोडिएको महत गाउँमा पुगेर उनले शहीदप्रति श्रद्धाञ्जली अर्पण गरेका थिए।

सोही स्थानमा तत्कालीन सशस्त्र द्वन्द्वका क्रममा डिएसपी ठूले राईलाई तत्कालीन माओवादीले नियन्त्रणमा लिएको घटना समेत घटेको थियो।

त्यसपछि राज्य पक्ष र तत्कालीन विद्रोही माओवादीबीच वार्ता प्रक्रियाअन्तर्गत नेता देव गुरुङ र डिएसपी ठूले राईलाई एकअर्काको जिम्मा लगाइएको ऐतिहासिक प्रसंग पनि महत गाउँसँग जोडिएको छ।
प्रचण्डको यो भ्रमणलाई जनयुद्धका शहीदहरूको स्मरण र इतिहाससँग जोडिएको प्रतीकात्मक कदमका रूपमा हेरिएको छ।