नायगाड–देउखोलाबाट १ घण्टा पैदल हिँडे ‘प्रचण्ड’

रुकुमपूर्व : नेपाली कम्युनिस्ट पार्टीका संयाेजक ‘प्रचण्ड’ आज सिस्ने गाउँपालिका–२ नायगाडबाट देउखोला हुँदै सदरमुकाम रुकुमकोटसम्म करिब एक घण्टा पैदल यात्रा गरेका छन्।

स्थानीय कार्यकर्ता र समर्थकसँगै गरिएको उक्त पैदल यात्राका क्रममा उनले गाउँबासीसँग भेटघाट तथा संक्षिप्त संवाद गरेका थिए।

नायगाड–देउखोला क्षेत्रको ग्रामीण बाटो हुँदै रुकुमकोट पुग्दा स्थानीयले फूलमाला र नाराबाजीसहित स्वागत गरेका थिए।

पैदल यात्रापछि आयोजित भेटघाट कार्यक्रममा बोल्दै प्रचण्डले जनतासँग प्रत्यक्ष सम्बन्ध मजबुत बनाउन यस्ता कार्यक्रमलाई निरन्तरता दिने बताए। उनले विकास, सुशासन र शहीदहरूको सम्मान आफ्नो प्राथमिकतामा रहेको उल्लेख गरे।

स्थानीय तहका जनप्रतिनिधि तथा पार्टी कार्यकर्ताको उल्लेख्य उपस्थिति रहेको उक्त कार्यक्रमले रुकुम क्षेत्रमा चुनावी माहोल थप तातेको स्थानीयले बताएका छन्।