संविधान संशोधनकाे बहस : दलितका सवालबारे विमर्श

काठमाडौं : अहिले संबिधान संसाेधनकाे बहस चलिरहेकाे छ । त्यसका लागि असिम साह नेतृत्वको संबिधान संसाेधन बहस पत्र तयार समितिले सुझाव संकलन गरिरहेकाे छ ।

साेहि संविधान संशोधन सुझाबका क्रममा दलित समुदायका अधिकार, प्रतिनिधित्व तथा सामाजिक न्यायका सवालमा केन्द्रित “संविधान संशोधनमा दलित समुदायका सवाल विषयक परामर्श गोष्ठी” आज (शुक्रबार) दिउँसो ३:०० बजे काठमाडौंको अनामनगरस्थित सिलोटी कलेजमा आयोजना हुँदैछ।

स्वतन्त्र दलित नागरिक समाजको आयोजनामा हुने उक्त गोष्ठीमा संविधान संशोधन प्रक्रियामा दलित समुदायका अधिकार, समानुपातिक तथा समावेशी प्रतिनिधित्व, जातीय छुवाछुत तथा विभेदको अन्त्यका लागि आवश्यक संवैधानिक व्यवस्थालगायत विषयमा व्यापक छलफल हुने आयोजकले जनाएको छ।

कार्यक्रममा दलित समुदायका पूर्व संविधानसभा सदस्य, पूर्वमन्त्री, राष्ट्रिय स्वतन्त्र पार्टी (रास्वपा), नेपाली कांग्रेस, नेकपा (एमाले), नेकपा र श्रम संस्कृति पार्टीका सचेतक तथा सांसद, संविधानविद्, दलित मानवअधिकारकर्मी र पत्रकारहरूको सहभागिता रहने स्वतन्त्र दलित नागरिक समाजका संयोजक कर्णबहादुर नेपालीले जानकारी दिएका छन्।

कार्यक्रममा NAFAN को सहकार्य रहेको छ भने समता पोस्ट डटकम मिडिया साझेदारका रूपमा रहेको छ। गोष्ठीबाट प्राप्त सुझावहरूले संविधान संशोधन प्रक्रियामा दलित समुदायका मुद्दालाई थप प्रभावकारी रूपमा उठाउन महत्वपूर्ण योगदान पुग्ने अपेक्षा गरिएको छ।