पोखरा झडप हुदा ८ जना नगरप्रहरी र ९ जना कोटीहोम पक्षधर घाइते

पोखरा । कोटिहोमको भूमिपूजन रोक्न खोज्दा पोखरामा नगर प्रहरी र कोटीहोम सञ्चालकबीच भएको झडपमा १७ जना घाइते भएका छन्। लेकसाइडस्थित नेपाल ट्रष्टको जग्गामा शुक्रबार झडप भएको हो।

झडपमा परेर महानगरपालिकाका प्रहरी ८ जना घाइते भएका जिल्ला प्रहरी कार्यालय कास्कीका प्रमुख श्याम ओलियाले जानकारी दिए। उनका अनुसार कोटीहोम पक्षधर ९ जना घाइते भएका छन्।

घाइतेको सिर्जनाचोकस्थित मेट्रोसिटी अस्पताल र पृथ्वीचोकको गण्डकी मेडिकल हस्पिटलमा उपचार भइरहेको छ। ‘घाइतेको अस्वस्था सामान्य छ। थप विवरण आउन बाँकी छ,’ उनले भने।

मानव सेवा फाउन्डेसन, नेपालले पोखराको लेकसाइडमा कोटीहोम सञ्चालन गर्न महानगरले अनुमति दिएको छैन। उच्च अदालत पोखराले अवरोध नगर्न आदेश जारी गरेको छ।