झापास्थित रास्वपा सम्पर्क कार्यालय भवनको झ्याल तोडफोड 

काठमाडौं । राष्ट्रिय स्वतन्त्र पार्टी (रास्वपा)को झापास्थित कमल गाउँपालिका-२ मा स्थापना गरिएको सम्पर्क कार्यालयको झ्याल तोडफोड भएको छ ।

बुधबार मध्य राति झ्याल तोडफोड भएको कमल गाउँपालिका रास्वपा सभापति केदार चापागाईँले जानकारी दिए । रास्वपाले वरिष्ठ नेता बालेन शाहलाई झापा क्षेत्र नम्बर ५ मा उम्मेदवार बनाएको छ ।

चुनावलाई लक्षित गरी स्थानीय जयराम अधिकारीको घर भाडामा लिएर रास्वपाले सम्पर्क कार्यालय खोलेको थियो । जिल्ला प्रहरी कार्यालय झापाले घटनाबारे अनुसन्धान भइरहेको जनाएको छ ।