सत्येन्द्र–नेहा प्रकरण : दलित आयोगले दियो नेपाल प्रहरीलाई निर्देशन

काठमाडौं-शक्तिको दुरुपयोग गरी कानुन विपरित विवाहित जोडीलाई पक्राउ गर्ने र यातना दिने अधिकारीमाथि गम्भीर अनुसन्धान गरी कानुनी कारवाही गर्न राष्ट्रिय दलित आयोगले नेपाल प्रहरीलाई निर्देशन दिएको छ ।
विहिबार दलित आयोगमा नेपाल प्रहरीका महानिरीक्षक वसन्त कुँवरसँग जानकारी लिएपछि जारी गरिएको प्रेस नोटमा ४ बुँदे निर्देशन दिदै कारबाही गर्न नेपाल प्रहरीलाई निर्देशन दिएको हो ।

आयोग प्रवक्ता सुन्दर पुर्कटीबाट जारी गरिएको प्रेस नोटमा भनिएको छ,‘ सत्येन्द्र–नेहाको अन्तरजातीय विवाहलाई जातीयताका आधारमा अस्वीकार गर्ने, विवाहित जोडीलाई छुटाउन खोज्ने र वाल विवाह तथा अन्य गलत मुद्धा लगाउने व्यक्ति तथा शक्तिको दुरुपयोग गरी कानुन विपरित विवाहित जोडीलाई पक्राउ गर्ने र यातना दिने अधिकारीमाथि गम्भीर अनुसन्धान गरी कानुनी कारवाही गर्न नेपाल प्रहरीलाई निर्देशन दिएको छ ।’

आयोगबाट जारी प्रेस नोट