‘खुला बहस छाेडेर हिँडे’ यज्ञराज ढुंगाना

धनगढी, १२ फागुन । कैलाली निर्वाचन क्षेत्र नं. ५ मा आयोजित खुला बहस कार्यक्रमका क्रममा यज्ञराज ढुंगाना आलोचनापछि कार्यक्रम स्थलबाट बाहिरिएका छन्।

मतदाता र नागरिक समाजका प्रतिनिधिहरूले सोधेका प्रश्नमा स्पष्ट र चित्तबुझ्दो जवाफ दिन नसकेको आरोप लागेपछि कार्यक्रमस्थलको वातावरण केही समय तनावपूर्ण बनेको प्रत्यक्षदर्शीहरूले बताएका छन्।

प्रश्नोत्तर सत्रका क्रममा अन्य उम्मेदवारहरूले भने आफ्ना योजना, दृष्टिकोण र प्रतिबद्धता प्रस्तुत गरेका थिए।

बहसको उद्देश्य मतदातालाई उम्मेदवारहरूको एजेन्डा र क्षमता बुझाउने रहेको आयोजकले जनाएको छ। कार्यक्रम व्यवस्थापन र प्रश्न सोध्ने शैलीबारे पनि केही सहभागीहरूले असन्तुष्टि व्यक्त गरेका छन्।

घटनापछि सामाजिक सञ्जालमा मिश्रित प्रतिक्रिया देखिएको छ। केहीले यसलाई लोकतान्त्रिक अभ्यासको कमजोरीका रूपमा व्याख्या गरेका छन् भने केहीले बहसको वातावरण र व्यवस्थापनबारे प्रश्न उठाएका छन्।