विश्वस्तरीय कृषि सञ्जालमा सुनिता न्हेमाफुकि चयन

काठमाडौं। कृषि व्यवसायको क्षेत्रमा सक्रिय तथा मेहनती रूपमा चिनिएकी सुनिता न्हेमाफुकि विश्वका ठूला–ठूला कृषि व्यवसाय गर्ने किसानहरूसँग सहकार्य गर्ने संस्थाको सदस्यमा चयन भएकी छन्।

यस चयनले उनको कृषि क्षेत्रमा गरेको योगदान र अनुभवलाई अन्तर्राष्ट्रिय स्तरमा मान्यता दिएको छ।

न्हेमाफुकिले आफूलाई यस अवसरका लागि सिफारिस गर्ने सम्पूर्ण व्यक्तिहरूप्रति आभार व्यक्त गरेकी छन्। “मलाई विश्वास गरेर सिफारिस गर्नुहुने सबैप्रति धन्यवाद व्यक्त गर्न चाहन्छु,” उनले भनिन्।

यस संस्थामार्फत उनी अब विश्वभरका सफल कृषि व्यवसायीहरूसँग अनुभव साटासाट गर्दै आधुनिक प्रविधि, नवीन अभ्यास र उत्पादन वृद्धि सम्बन्धी ज्ञान आदान–प्रदान गर्नेछिन्। यसले नेपालको कृषि क्षेत्रको विकासमा समेत सकारात्मक प्रभाव पार्ने अपेक्षा गरिएको छ।

कृषि क्षेत्रमा युवाको सहभागिता बढाउने र व्यावसायिक कृषि प्रणालीलाई सुदृढ बनाउने लक्ष्यसहित न्हेमाफुकिको यो उपलब्धि महत्वपूर्ण मानिएको छ।

एग्रि नेपालकि संचालिका सुनिता कृषि क्षेत्रकाे सफल ब्यवसायि हुन् ।