इनिसा विककाे न्यायका लागि आन्दोलन चर्कियाे

काठमाडौं : सुर्खेतकी १६ वर्षीया बालिका इनिसा विकको बलात्कारपछि हत्या प्रकरणलाई लिएर आज पनि माइतीघर र सुर्खेतकाे विरेन्द्रनगरमा प्रदर्शन जारी रहेको छ।

स्थानीय बासिन्दा, विद्यार्थी र अधिकारकर्मीहरूले निरन्तर आन्दोलन गर्दै दोषीलाई कडा कारबाही र निष्पक्ष छानबिनको माग गरेका छन्।

इनिसा विकको सामुहिक बलात्कारपछि हत्या गरिएको भन्दै सुरु भएको विरोध प्रदर्शन पछिल्ला दिनहरूमा झन् चर्किएको छ।

प्रदर्शनकारीहरूले “इनिसालाई न्याय दे”, “दोषीलाई कारबाही गर” लगायतका नारा लगाउँदै माइतीघर र वीरेन्द्रनगरका विभिन्न स्थानमा र्‍याली र धर्ना दिइरहेका छन्।