काठमाडौं । रोल्पामा दलित बालकमाथि कुटपिट गर्ने तीन जनालाई प्रहरीले पक्राउ गरेको छ । गत वैशाख ११ गते पश्चिमी रोल्पाको गंगादेव गाउँपालिका–५ पाखापानी फुलबासका ११ वर्षीय बालक खगेन्द्र विकमाथि कुटपिट भएको थियो ।
प्रहरीका अनुसार घटनामा संलग्न भएका स्थानीय टोपबहादुर खत्रीसहित ३ जनालाई मंगलबार बिहान दाङबाट पक्राउ गरिएको हो । पक्राउ पर्नेहरूमा टोपबहादुरसहित भीमबहादुर खत्री र मस्तबहादुर खत्री छन् । पीडित परिवारले सोमबार इलाका प्रहरी कार्यालय घर्तीगाउँमा जाहेरी दर्ता गरेका छन् । प्रहरीका अनुसार खगेन्द्र खेल्ने क्रममा टोपबहादुरको घरमा छिरेपछि उनीमाथि कुटपिट भएको थियो ।
पक्राउ परेका तीन जनालाई रोल्पा सदरमुकाम लिबाङ ल्याएर अदालतमा म्याद थप गरेर अनुसन्धान थाल्ने तयारी रहेको जिल्ला प्रहरी कार्यालय प्रमुख डीएसपी वीरेन्द्रवीर विश्वकर्माले बताए । बालक स्थानीय कुइनेटा बस्ने पूर्णबहादुर विकका छोरा हुन् । उनलाई टाउकोमा कुटपिट गरिएको र रक्ताम्मे बनाइएको थियो ।
बालकमाथि टोपबहादुरले कुटपिट गरेको र अरूले साथ दिएको प्रहरीको भनाइ छ । घटना ११ गते साँझ भएको र अर्को दिन सामाजिक सञ्जालमा आएपछि आफूहरूले थाहा पाएको डीएसपी विश्वकर्माले बताए । यसबारे प्रहरीले आरोपीविरुद्ध भेदभाव तथा अन्य अपमानजन्य व्यवहारसम्बन्धी कसूरलगायतको मुद्दा दर्ता गरी अनुसन्धान गर्ने बताएको छ ।
तस्बिर : एआईले तयार पारेको हो ।
कृषि बधुवा मजदुरको पुनःस्थापनाका लागि सरकारलाइ दबाब 
बालेन सरकारले निजी क्षेत्रलाई आतंकित बनायो : रामकुमारी झाँक्री 
सम्पत्ति छानबिन आयोग प्रधानमन्त्री कार्यालय मातहत राख्ने कुरा आपत्तिजनक छ : वर्षमान पुन 
अन्तर्राष्ट्रिय जगतमै लाज हुने गरी संसद्मा पत्रकारलाई दुःख नदिइयोस् : खगेन्द्र सुनार 
जेनजी आन्दोलन जाँचबुझ आयोगको प्रतिवेदन तुरुन्त सार्वजनिक गरियोस् : अर्जुन नरसिंह केसी 
बाँकेका ५ बिद्यालयमा जलबायु सचेतना कार्यक्रम 
मुक्त हरवाचरवाको अधिकार सुनिश्चित गर्न मधेश सरकार प्रतिबद्ध 
हावाहुरीले विद्यालयमा क्षति 
मुक्त हरवाचरवा अगुवालाई व्यवस्थापकीय तालिम 
‘लालीबजार’ प्रतिबन्धको माग गर्दै बादी समुदाय आन्दोलित 
