काठमाडौं । प्रतिनिधिसभा सदस्य निर्वाचनको जारी मतगणनामा नेपाली कम्युनिस्ट पार्टी (नेकपा)ले उल्लेखनीय प्रदर्शन गरेको छ। पछिल्लो मतपरिणामअनुसार नेकपाका उम्मेदवार दुई क्षेत्रमा विजयी भइसकेका छन् भने अन्य १० क्षेत्रमा अग्रता कायम गरेका छन्।
कालीकोट–१ मा नेकपाका महेन्द्रबहादुर शाही ११ हजार ३३७ मतसहित विजयी भएका छन्। उनका निकटतम प्रतिस्पर्धी नेकपा एमालेका नगीन्द्र शाहीले १० हजार ३५२ मत प्राप्त गरेका छन्।
त्यसैगरी रूकुम पूर्व–१ मा नेकपाका संयाेजक ‘प्रचण्ड’ १० हजार २४० मतसहित विजयी भएका छन्। उनका निकटतम प्रतिद्वन्द्वी नेकपा एमालेका लीलामणि गौतमले ३ हजार ४६२ मत प्राप्त गरेका छन्।
यसैबीच अन्य विभिन्न क्षेत्रमा पनि नेकपाका उम्मेदवारहरूले अग्रता कायम गरेका छन्। सिन्धुली–२ मा लेखनाथ दाहाल (राजन) ११ हजार ५७२ मतसहित अगाडि छन् भने राष्ट्रिय स्वतन्त्र पार्टीका आशिष गजुरेल ६ हजार ७८७ मतसहित पछ्याइरहेका छन्।
काभ्रे–१ मा दीननाथ गौतम ९ हजार ३६७ मतसहित अग्रस्थानमा छन् भने नेपाली कांग्रेसका गुणराज मुक्तान ७ हजार ५२६ मतसहित दोस्रो स्थानमा छन्। रोल्पा–१ मा वर्षमान पुन ८ हजार २९३ मतसहित अगाडि छन् भने नेपाली कांग्रेसका सुदनकुमार वली ४ हजार ८०२ मतसहित पछ्याइरहेका छन्।
सल्यान–१ मा रमेशकुमार मल्ल ८ हजार ३९ मतसहित अग्रस्थानमा छन् भने राष्ट्रिय स्वतन्त्र पार्टीका ललितकुमार चन्द ४ हजार ९९२ मतसहित दोस्रो स्थानमा छन्। रूकुम पश्चिम–१ मा गोपाल शर्मा ७ हजार २७२ मतसहित अग्रता लिइरहेका छन् भने प्रगतिशील लोकतान्त्रिक पार्टीका जनार्दन शर्मा ५ हजार १६० मतसहित पछाडि छन्।
अछाम–१ मा भीमबहादुर रावल ४ हजार १४४ मतसहित अगाडि छन् भने नेकपा एमालेका दिपकबहादुर साउंद ३ हजार ७९० मतसहित दोस्रो स्थानमा छन्।
सिन्धुपाल्चोक–२ मा युवराज दुलाल ३ हजार ६०६ मतसहित अग्रस्थानमा छन् भने नेपाली कांग्रेसका वंशलाल तामाङ ३ हजार २४१ मतसहित पछ्याइरहेका छन्।
रामेछाप–१ मा श्यामकुमार श्रेष्ठ २ हजार ४६६ मतसहित अगाडि छन् भने नेपाली कांग्रेसका रामचन्द्र खड्का १ हजार ९८९ मतसहित दोस्रो स्थानमा छन्।
त्यस्तै डोल्पा–१ मा धनबहादुर बुढा २ हजार ९४ मतसहित अग्रता लिइरहेका छन् भने नेपाली कांग्रेसका कर्णबहादुर बुढा ४२७ मतसहित पछाडि छन्।
हुम्ला–१ मा दीपेन्द्र रोकाया १ हजार २७१ मतसहित अग्रस्थानमा छन् भने नेपाली कांग्रेसका जयपति रोकाया ४१६ मतसहित दोस्रो स्थानमा छन्।
मतगणना जारी रहेकाले अन्तिम परिणाम आउन बाँकी रहेको निर्वाचन अधिकृतको कार्यालयले जनाएको छ ।
रास्वपा सांसद आशिका तामाङ ट्राफिकसँग झोक्किइन 
दलित आन्दोलनलाई एकताबद्ध बनाउन जोड 
बालेन सरकारले निजी क्षेत्रलाई आतंकित बनायो : रामकुमारी झाँक्री 
बुटवलमा सुकुमवासीको प्रदर्शन 
हुम्लाको नेप्कामा भीषण पहिरो 
