डीएसपी चापागाईं ३ महिनादेखि सम्पर्कविहीन

काठमाण्डौं । नेपाल प्रहरी अस्पतालका प्रहरी नायब उपरीक्षक (डीएसपी) डा. कृष्णमणि चापागाई तीन महिनादेखि सम्पर्कविहीन भएका छिन् ।

पर्वत फलेवास नगरपालिका–की १० स्थायी घर भई अस्पतालको रेडियोलोजी विभागमा कार्यरत प्राविधिक डीएसपी चापागाईं बिनाजानकारी ३ महिनादेखि अनुपस्थित रहेको अस्पतालले जनाएको छ ।

गृह मन्त्रालयले आइतबार सूचना जारी गर्दै उनलाई स्पष्टीकरणसहित हाजिर हुन ७ दिनको म्याद दिएको छ । चापागाईं कात्तिक १४ गते १५ दिनको घरबिदा लिएर हिँडेका थिए । पछि पुनः १४ दिन बिदा थप गराएका थिए । थपिएको बिदा २०८१ मंसिर २५ गते सकिए पनि उनी अझै सम्पर्कमा नआएको अस्पतालले जनाएको छ ।

उनको घरमा यसअघि नै खोजतलास गरिएको र प्रहरी नियमावलीअनुसार सूचना टाँस गरिसकिएको गृह मन्त्रालयले जनाएको छ । त्यति गर्दा पनि अनुपस्थित भएपछि अन्तिमपटक बाटाको म्यादबाहेक ७ दिनभित्र हाजिर नहनुको कारणसहित आउन र अन्यथा भविष्यमा सरकारी सेवाका लागि अयोग्य नठहरिने गरी सेवाबाट हटाउने कारबाही भइजाने पनि सूचनामा उल्लेख छ ।