नागरिकको उपचार गर्न जैमिनीले बनायो १ अर्बको कोष

काठमाडौँ । बागलुङको जैमिनी नगरपालिकाले १ अर्ब रुपैयाँको कोष बनाउने लक्ष्यका साथ ‘जैमिनी नागरिक स्वास्थ्य उपचार कोष’ स्थापना गरेको छ । कोषमा ५० लाख रुपैयाँ जम्मा भइसकेको छ ।

कोषमा दाखिला भएको रकमको ब्याजबाट नगरपालिका क्षेत्रका बिरामीको उपचारमा खर्च गरिने पालिकाको भनाई छ ।

दीर्घरोगी र ठूलो धनराशि खर्च हुने रोगमा नगरपालिकाले नागरिकलाई उपचारमा सहयोग पु¥याउने लक्ष्य राखेको मेयर नरबहादुर पुन बताउँछन् । कोषमा पालिकाले हरेक वर्ष रकम थप्दै जाने उनी बताउँछन् ।

क्यान्सर, मुटु, मृगौलालगायत जटिल रोगको उपचारमा धेरै खर्च लाग्ने भएकाले कोषमा रु एक अर्ब पुर्याउने लक्ष्य पालिकाको छ ।