मतदातालाई ‘परिवर्तन र विकास’ को खाका सुनाउँदै विरमान चौधरी

धनगढी । नेपाली कम्युनिस्ट पार्टीका नेता तथा कैलाली क्षेत्र नं. ३ का प्रतिनिधिसभा उम्मेदवार वीरमान चौधरीले साधारण जीवनशैली अपनाउँदै घरदैलो अभियानलाई तीव्रता दिएका छन्।

आगामी फागुन २१ गते हुने निर्वाचनलाई लक्षित गर्दै चौधरी गाउँ–गाउँ पुगेर स्थानीय मतदातासँगै बसेर साधारण खाना खाँदै प्रत्यक्ष संवाद गरिरहेका छन्।

घरदैलोका क्रममा किसान, मजदुर, युवा र महिलासँग भेटघाट गर्दै उनले रोजगारी, कृषि, शिक्षा, स्वास्थ्य र समग्र विकासका मुद्दामा छलफल गरिरहेका छन्।

परिवर्तन, सुशासन र जनमुखी विकास आफ्नो मुख्य प्राथमिकता रहेको बताउँदै उनले निर्वाचित भए जनताको विश्वासलाई काममार्फत प्रमाणित गर्ने प्रतिबद्धता व्यक्त गरेका छन्।