हसुलियामा गाडीको ठक्करबाट युवतीको मृत्यु

धनगढी : कैलालीको कैलारी गाउँपालिका–५ स्थित ईलाका प्रहरी कार्यालय हसुलिया नजिकै आज भर्खरै भएको सवारी दुर्घटनामा एक युवतीको ज्यान गएको छ।

प्राप्त विवरणअनुसार, कैलारी–७ का वडा अध्यक्ष दिपेन्द्र बमले चलाएको भे १ च ४२७५ नं काे हाईलेक्स गाडीले मोटरसाइकललाई ठक्कर दिएको थियो। दुर्घटनामा गम्भीर घाइते भएकी मोटरसाइकल चालक बड्की पलिया निवासी ईप्सा चौधरीको उपचारका क्रममा मृत्यु भएको प्रहरीले जनाएको छ।

दुर्घटनापछि घाइतेलाई तत्काल उपचारका लागि अस्पताल लगिएको भए पनि चिकित्सकले उनलाई बचाउन नसकेको स्रोतले बताएको छ। घटनाबारे थप अनुसन्धान भइरहेको र सवारी साधन तथा चालकलाई नियन्त्रणमा लिइएको प्रहरीले जनाएको छ।

दुर्घटनापछि हाईलेक्स गाडि र माेटरसाईक पूर्ण रुपमा क्षति भएकाे बताएको छ । स्थानीयवासी घटनास्थलमा भिड लागेपछि अवस्था सामान्य बनाउन पहल गरिरहेको छ।