धनगढी । कैलाली निर्वाचन क्षेत्र नम्बर ५ का प्रतिनिधिसभा सदस्य उम्मेदवार प्रेमबहादुर आले घरदैलो भेटघाटका क्रममा मतदातासँगै छमछमि नाचेका छन्।
धनगढी उपमहानगरपालिका वडा नं. १९ रप्टौना टोलमा पुगेका आलेलाई स्थानीयवासीले उत्साहजनक सहभागिता र सकारात्मक प्रतिक्रिया सहित स्वागत गरेका थिए।
मतदाताको बाक्लो उपस्थिति र समर्थन देखेर उत्साहित बनेका उनले स्थानीयसँगै नाच्दै खुसी साटासाट गरेका हुन्।
घरदैलो अभियानका क्रममा उनले क्षेत्रका विकास, रोजगारी सिर्जना, पूर्वाधार विस्तार र जनताको आधारभूत समस्याको समाधान आफ्नो प्राथमिकता रहेको बताए। “जनताको मायाले नै मलाई ऊर्जा दिन्छ,” उनले भने, “तपाईंहरूको साथ र विश्वासलाई काममार्फत् प्रमाणित गर्नेछु।”
रप्टौना टोलका स्थानीयले पनि विकासका मुद्दा उठाउँदै यसपटक परिणाममुखी नेतृत्व चाहिएको बताएका छन्। निर्वाचन नजिकिँदै जाँदा कैलाली–५ मा चुनावी माहोल थप तातिँदै गएको छ।
भिडिओ हेर्नुहाेस :
बालेन सरकारको १०० बुँदे कार्यक्रममा हरवाचरवा उपेक्षित 
