एक सातामा १७ प्रतिशत महँगियो चाँदी

काठमाडौं । एक सातामै चाँदीको भाउ १७ प्रतिशत बढेको छ । गत बुधबार प्रतितोला ४ हजार ८८० रुपैयाँ रहेको चाँदी आज ५ हजार ७१५ रुपैयाँ पुगेको छ ।

अघिल्लो दिनको तुलनामा आज चाँदी तोलामा १३० रुपैयाँ बढेको हो । अघिल्लो दिन ५ हजार ५८५ रुपैयाँमा चाँदीको कारोबार भएको थियो ।

सुनको भाउ आज स्थिर रहे पनि विगत एक सातामा ४।७ प्रतिशत बढेको छ । गत बुधबार प्रतितोला ३ लाख ४ सय रुपैयाँमा कारोबार भएको सुन आज ३ लाख १४ हजार ८ सय रुपैयाँ छ । अघिल्लो दिन पनि यही मूल्यमा कारोबार भएको थियो ।

माघ १५ गते हालसम्मकै उच्च प्रतितोला ३ लाख ३९ हजार रुपैयाँ पुगेको सुन त्यसयता केही घटेको थियो ।