कञ्चनपुरका ३ वटै क्षेत्रमा रास्वपाको अग्रता

कञ्चनपुर : कञ्चनपुर जिल्लाका तीनवटै क्षेत्रमा राष्ट्रिय स्वतन्त्र पार्टीले अग्रता लिइरहेको छ ।

कञ्चनपुर क्षेत्र नम्बर १ मा रास्वपा उम्मेदवार जनक सिंह धामी, क्षेत्र नम्बर २ मा दीपक बोहरा र क्षेत्र नम्बर ३ मा ज्ञानेन्द्र सिंह महताले अग्रता लिएका छन् ।

कञ्चनपुर– १ मा रास्वपाका उम्मेदवार जनक सिंह धामीले ९८३ मत प्राप्त गरेका छन् । त्यस्तै, नेकपा एमालेका उम्मेदवार तारा लामाले ५२४, नेकपाकी बिना मगरले ३८३ र नेपाली कांग्रेसका गोपी प्रसाद उपाध्यायले ३७३ मत प्राप्त गरेका छन् ।

त्यस्तै, कञ्चनपुर–२ मा रास्वपा दीपक बोहराले २ हजार ४२७ मत प्राप्त गरेका छन् । नेपाली कांग्रेसका नारायण प्रकाश साउदले ९३६ मत प्राप्त गरेका छन् ।

त्यसैगरी, एमालेका बचन बहादुर सिंहले ६२५ र नेकपाका माधव प्रसाद पन्तले २२८ मत प्राप्त गरेका छन् ।

कञ्चनपुर– ३ मा रास्वपाका ज्ञानेन्द्र सिंह महताले ५६७ मत प्राप्त गरेका छन् । नेपाली कांग्रेसका हरि प्रसाद बोहराले २२३ मत प्राप्त गर्दा एमालेका डा. दीपक प्रसाद भट्टले १३२ मत प्राप्त गरेका छन् ।