प्रेम आलेले सार्वजनिक गरे चुनावी खर्चको विवरण

काठमाडौं : कैलाली- ५ का उम्मेदवार नेकपाका नेता प्रेमबहादुर आलेले आफ्नो चुनावी खर्च सार्वजनिक गरेका छन् ।

बुधबार सार्वजनिक गरेको निर्वाचन खर्च विवरणमा उनले २१ लाख खर्च गरेका छन् ।

उनले प्रतिनिधिसभा सदस्य निर्वाचन ऐन, २०७४ को दफा ७२ तथा निर्वाचन आयोगद्वारा स्वीकृत आचारसंहिता बमोजिम निर्वाचन खर्च गरेका छन् ।

निर्वाचन क्षेत्र वडा कार्यालय सञ्चालनमा ४ लाख २० हजार,प्रचारप्रसार सामग्री छपाई व्यानर आदिमा ४ लाख,सावरी साधान/इन्धन खर्चमा ४ लाख,मतदाता प्रशिक्षण कार्यक्रमकाे खाजा खर्च ८४ जनाकाे लागि २ लाख १० हजार,नमूना मतपत्र छपाइमा १ लाख १० हजार खर्च गरेको विवरण पेस गरेका छन् ।

त्यस्तै समाजिक सञ्जाल तथा सञ्चारमा १ लाख ५० हजार,गोष्ठि भेलामा १ लाख ५० हजार,स्टेशनरी लगायत अन्य खर्चमा ८० हजार,मनोनयन दर्तामा १० हजार र विविध शीर्षकमा १ लाख ७० हजार खर्च भएको विवरण सार्वजनिक गरिएको छ ।