रास्वपा सांसदलाई दाङ जिल्ला प्रवेशमा रोक

काठमाडौं । दाङका सुकुम्बासीहरुले राष्ट्रिय स्वतन्त्र पार्टी (रास्वपा) का सांसदलाई जिल्ला प्रवेशमा रोक लगाउने घोषणा गरेका छन् ।

हरिश गिरी नेतृत्वको ‘हामी भूमिहीन, अव्यवस्थित, सुकुम्बासी अभिायन’ ले आज यस्तो घोषणा गरेको हो । सरकारविरुद्ध जनप्रदर्शन, धर्ना, घेराउसँगै स्थानीय तहका कार्यालयमा प्रमुखलाई पनि जिल्ला प्रवेश निषेध गर्ने निर्णय अभियानले गरेको छ ।

नदी किनाराका क्षेत्रलाई अतिक्रमणमुक्त गराउने भन्दै वालेन्द्र साह (बालेन) नेतृत्वको सरकारले काठमाडौं उपत्यकासहित देशभरका सुकुम्बासी बस्ती खाली गराइरहेको छ । त्यसविरुद्ध सुकुम्बासीहरु एकजुट भैरहेका छन् ।

रास्वपा सांसदलाई जिल्ला प्रवेशमा रोक लगाउने निर्णय गरेको अभियानले आवश्यक परे दाङ बन्द र चक्काजाम गर्ने चेतावनी दिएको छ ।
जन आस्थाबाट साभार