अहिलेको व्यवस्थापनले गणतन्त्र नथाप्ने : महासचिव भुुसाल

काठमाडौँ । एकीकृत समाजवादीका महासचिव घनश्याम भुसालले गणतन्त्रमाथि खतरा पैदा भएको दाबी गरेका छन्।

आइताबार पार्टी निकट पत्रकारहरुको संगठन समाजवादी प्रेस संगठन नेपालको दोस्रो राष्ट्रिय भेलालाई सम्बोधन गर्दै महासचिव भुसालले अहिलेको व्यवस्थापन गणतन्त्र धान्न नसक्ने बताएका हुन्। उनले आउँदा दिनमा सत्ता फासिष्ट बन्दै जाने र सडकमा अरागजकता थपिने उल्लेख गरे।

भुसालले भने, ‘आगामी दिन सत्ता फासिस्ट हुँदै जानेछ । सडक अराजक हुँदै जानेछ । यी दुवै कुरा समाधान होइनन् । यतिकै यो गणतन्त्र चल्दैन, चल्दैन र चल्दैन । केही न केही हुनेवाला छ । आजको व्यवस्थापनले यो गणतन्त्र थाम्दैन, कि क्रान्तिकारी हस्तक्षेपले ठिक बाटो लिन्छ कि यो मुलुकका नागरिकले धेरै ठूलो क्षति व्यहोर्नुपर्ने छ।’