करिब ४ किलो सुनसहित विमानस्थलबाट चार जना पक्राउ

काठमाडौं । प्रहरीले करिब ४ किलो सुनसहित त्रिभुवन अन्तर्राष्ट्रिय विमानस्थलबाट ४ जनालाई पक्राउ गरेको छ।

फ्लाई दुबईको एफजेएड ५७५ उडानबाट त्रिभुवन अन्तर्राष्ट्रिय विमानस्थलमा ओर्लिएका उनीहरूलाई प्रहरीले पक्राउ गरेको हो।

पक्राउ पर्नेमा तीन महिला र एक पुरुष रहेका छन्। उनीहरू विदेशी नागरिक रहेको र यस सम्बन्धमा थप अनुसन्धान भइरहेको विमानस्थल प्रहरी प्रमुख एसएसपी सोमेन्द्रसिंह राठौरले जानकारी दिए।

पक्राउ परेका सबै उज्बेकिस्तानका नागरिक रहेको खुलोको छ।