नेप्सेमा १०.२५ अंकको गिरावट, कारोबार रकम साढे ८ अर्बमा खुम्चियो

काठमाडौं । सेयर बजारमा दोहोरो अंकको गिरावट आएको छ । साताको कारोबारको तेस्रो दिन मंगलबार सेयर बजार परिसूचक नेपाल स्टक एक्सचेञ्ज (नेप्से) १०.२५ अंकले घटेर २६६२.१४ बिन्दुमा रोकिएको छ ।

अघिल्लो कारोबार दिन अर्थात् सोमबार पनि नेप्से २६.०५ अंकले घटेको थियो । यस्तै, आइतबार पनि नेप्सेमा १०.२४ अंकको गिरावट आएको थियो ।

मंगलबार नेप्सेमा कुल ८ अर्ब ६१ करोड रुपैयाँ बराबरको कारोबार भएको छ । अघिल्लो दिन सोमबार भने नेप्सेमा १० अर्ब ६१ करोड रुपैयाँ बराबरको कारोबार भएको थियो ।

मंगलबार कारोबारमा आएकामध्ये ७४ कम्पनीको सेयर मूल्य बढ्दा १७९ कम्पनीको घटेको छ । यस्तै, ७ कम्पनीको सेयर मूल्य भने स्थिर छ ।