शिल्पी थिएटरमा ‘सिकल सेल’ मञ्चन हुँदै, फ्युडल समाजको कथा प्रस्तुत

काठमाडौं । शिल्पी थिएटर मा नाटक ‘सिकल सेल’ मञ्चन भइरहेको छ । भोलि बुधबार १६ गते साँझ ठीक ५:१५ बजे नाटक सुरु हुने जानकारी दिइएको छ।

शिल्पी थिएटरका निर्देशक घिमिरे युवराजका अनुसार उक्त नाटकले “फ्युडल सोसाइटी” अर्थात् सामन्ती समाजको कथा प्रस्तुत गर्छ। समाजभित्र जरा गाडेर बसेको वर्गीय विभेद, उत्पीडन, असमानता र मानवीय संघर्षलाई नाटकमार्फत उजागर गर्ने प्रयास गरिएको उनले बताए।

नाटकले परम्परागत सत्ता संरचना, सामाजिक विभाजन र त्यसले निम्त्याउने पीडालाई कलात्मक ढंगले दर्शकमाझ ल्याउने उद्देश्य राखेको निर्देशक युवराजको भनाइ छ।

समसामयिक सामाजिक यथार्थलाई मञ्चमा उतारिएको ‘सिकल सेल’ ले दर्शकलाई सोच्न बाध्य बनाउने अपेक्षा गरिएको छ। शिल्पी थिएटरले सबै नाट्यप्रेमी दर्शकलाई समयमै उपस्थित भई नाटक अवलोकन गर्न आग्रह गरेको छ।